యూఏఈ: ఎమిరేట్ పోలీసులు ప్రకటించిన పునర్నిర్మాణ ప్రణాళికలో భాగంగా ఎమిరేట్ అంతటా కొత్త పాదచారుల క్రాసింగ్‌లను ఏర్పాటు చేయడానికి ఫుజైరా పోలీసులు ఒక ప్రణాళికను ఆవిష్కరించారు.వాహనదారులు, పాదచారులకు ట్రాఫిక్, ప్రజా భద్రతను మెరుగుపరచడానికి, అదే సమయంలో రన్-ఓవర్ ప్రమాదాలను తగ్గించడానికి, అలాగే కొత్త పాదచారుల క్రాసింగ్‌లను ఏర్పాటు చేయనున్నారు. 

యూఏఈలో జైవాకింగ్ అనేది ఫెడరల్ ట్రాఫిక్, రోడ్ చట్టంలోని ఆర్టికల్ 89 ప్రకారం.. Dh400 జరిమానాతో శిక్ష విధించే అవకాశం ఉంది.  అత్యంత ప్రమాదకరమైన పాదచారుల క్రాసింగ్‌లను తిరిగి రూపొందించడం ఈ ప్రణాళిక లక్ష్యం అని ఫుజైరా పోలీస్ జనరల్ కమాండ్‌లోని ట్రాఫిక్, పెట్రోల్స్ విభాగం డైరెక్టర్ బ్రిగేడియర్ జనరల్ సలేహ్ మొహమ్మద్ అబ్దుల్లా అల్ ధహ్నహాని అన్నారు.

మే నెల ప్రారంభంలో ఫుజైరా పోలీస్ జనరల్ కమాండ్ 2025 కార్యాచరణ ప్రణాళికలో భాగంగా "పాదచారులకు సురక్షితంగా దాటే హక్కు ఉంది" అనే నినాదంతో ఒక నెల క్యాంపెయిన్ ను  ప్రారంభించింది. ఈ సందర్భంగా డ్రైవర్లు, పాదచారులకు అవగాహన కల్పించారు.  పాదచారులు క్రాసింగ్‌లను ఉపయోగించడం,  ప్రాణాలకు ముప్పు కలిగించే ప్రమాదకర ప్రవర్తనలను నివారించడం అనే సంస్కృతిని ప్రోత్సహిస్తుందని పోలీసు అథారిటీ ఒక ప్రకటనలో తెలిపింది.

యూఏఈ రోడ్లను సురక్షితంగా మార్చడం, నిర్లక్ష్యం లేదా అసురక్షిత వైఖరి వల్ల కలిగే ట్రాఫిక్ మరణాలు, గాయాలను తగ్గించడం అనే అంతర్గత వ్యవహారాల మంత్రిత్వ శాఖ వ్యూహాత్మక దృక్పథానికి ఈ కార్యక్రమం మద్దతు ఇస్తుందని ఫుజైరా పోలీసులు తెలిపారు.