ఎన్‌ఓఎల్‌ కార్డులతో మినీ పేమెంట్స్‌ చేసుకునేందుకు ఈఈలుగా రోడ్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), స్మార్ట్‌ దుబాయ్‌ ఆఫీస్‌ మధ్య అవగాహనా ఒప్పందం కుదిరింది. ఆర్‌టిఎ బోర్డ్‌ ఆఫ్‌ డైరెక్టర్స్‌ చైర్మన్‌ మరియు డైరెక్టర్‌ జనరల్‌ మట్టర్‌ అల్‌ తాయెర్‌, స్మార్ట్‌ దుబాయ్‌ ఆఫీస్‌ డైరెక్టర్‌ జనరల్‌ డాక్టర్‌ ఐషా బినంట్‌ బుట్టి ఈ మేరకు అవగాహనా ఒప్పందాలపై సంతకాలు చేశారు. పలువురు సిఇఓలు, డైరెక్టర్స్‌ ఈ కార్యక్రమంలో పాల్గొన్నారు. దుబాయ్‌ రెసిడెంట్స్‌ ఇకపై ఎన్‌ఓల్‌ కార్డుల ద్వారా మినీ పేమెంట్స్‌ చేసుకోడానికి వీలుంటుంది. ఏయే విభాగాల్లో వారికి ఈ అవకాశాలు కల్పించాలి, ప్రాధమికంగా పేమెంట్స్‌ కోసం ఎంత ఛార్జ్‌ చేయాలి? అనేదానిపై త్వరలోనే మార్గదర్శకాలు వెల్లడవుతాయి. ఎన్‌ఓఎల్‌ స్మార్ట్‌ పేమెంట్స్‌తో దుబాయ్‌ వాసులకు మరింత మెరుగైన సౌకర్యాలు, శ్రమలేకుండా అందుతాయనీ, ఈ స్మార్ట్‌ సేవ వారికి ఎంతో ఉపయోగకరంగా ఉంటుందని ఆర్‌టిఎ, స్మార్ట్‌ దుబాయ్‌ ఆఫీస్‌ వెల్లడించాయి.