రియాద్ః  164 దేశాల డిజిటల్ పురోగతిని అంచనా వేసే 2025 అంతర్జాతీయ టెలికమ్యూనికేషన్ యూనియన్ (ITU).. ICT అభివృద్ధి సూచికలో సౌదీ అరేబియా టాప్ ప్రపంచ ర్యాంకింగ్ను పొందింది. కమ్యూనికేషన్స్, స్పేస్ అండ్ టెక్నాలజీ కమిషన్ (CST) సౌదీ అరేబియా అగ్రస్థానాన్ని ధృవీకరించింది.  ICT రంగంలో స్థిరమైన వృద్ధి, నిరంతర జాతీయ ప్రయత్నాలకు ఈ ఘనత దక్కిందని హర్షం వ్యక్తం చేశారు.
సౌదీ అరేబియా అధునాతన డిజిటల్ మౌలిక సదుపాయాలు దాని డిజిటల్ ఆర్థిక వ్యవస్థ విస్తరణలో కీలక పాత్ర పోషించాయని CST హైలైట్ చేసింది. ఇది 2024లో SR459 బిలియన్లకు చేరుకుందని, ఇది స్థూల దేశీయోత్పత్తి (GDP)కి 15% జోడించిందని తెలిపింది.  2024లో SR180 బిలియన్ల విలువైన కింగ్డమ్ ICT మార్కెట్, మిడిలీస్ట్, ఉత్తర ఆఫ్రికాలో అతిపెద్దదని,  వేగంగా అభివృద్ధి చెందుతోందని పేర్కొంది. సౌదీ అరేబియాలో 212% మొబైల్ సబ్స్క్రిప్షన్ విస్తరణ రేటును సాధించిందని, ప్రతి వినియోగదారునికి నెలవారీ డేటా వినియోగాన్ని ప్రపంచ సగటు కంటే మూడు రెట్లు ఎక్కువగా నమోదు చేసిందని ఈ సందర్భంగా వెల్లడించారు.