యూఏఈ: Dh950 మిలియన్లకు పైగా విలువైన నకిలీ పెట్టుబడి పథకాన్ని నడుపుతున్నాడని ఆరోపణలు ఎదుర్కొంటున్న దుబాయ్ హోటలియర్‌ను భారతదేశంలో అరెస్టు చేశారు. ఉత్తర భారతదేశంలోని హర్యానా రాష్ట్రంలోని ఫరీదాబాద్ పోలీసులు నిందితుడిని అదుపులోకి తీసుకున్నారని తెలిపారు.  

దుబాయ్ మెరీనాలో ఫోర్-స్టార్ హోటల్‌ను నడిపిన 39 ఏళ్ల నిందితుడు.. HPZ టోకెన్ స్కామ్ వెనుక కీలక వ్యక్తి అని ఆరోపణలు ఎదుర్కొంటున్నాడు.  క్రిప్టోకరెన్సీ పథకం కింద అధిక రాబడి హామీలతో వేలాది మంది భారతీయులను మోసం చేసినట్టు ఆరోపణలు ఎదుర్కొంటున్నాడు. ఈ సంవత్సరం ప్రారంభంలో అతన్ని భారత కోర్టు పారిపోయిన ఆర్థిక నేరస్థుడిగా ప్రకటించింది.  అతడిపై ఎన్‌ఫోర్స్‌మెంట్ డైరెక్టరేట్ (ED) కేసు నమోదు చేసి విచారిస్తుంది

HPZ టోకెన్ కేసులో రూ.2.2 బిలియన్లకు పైగా (Dh956 మిలియన్లు) లాండరింగ్ చేసిన ఆదాయాన్ని గుర్తించినట్లు ED తెలిపింది. అనుమానితుడు తన దుబాయ్ వ్యాపారాలను ఉపయోగించి చెల్లింపు గేట్‌వేల ద్వారా భారతదేశం నుండి అక్రమ నిధులను తరలించి, ఆపై వాటిని క్రిప్టోకరెన్సీగా మార్చి, క్రిప్టోను చైనా హ్యాండ్లర్లకు అప్పగించాడని ఆరోపించారు.

 HPZ టోకెన్ రాకెట్‌పై ED దర్యాప్తు ప్రారంభించగానే నిందితుడు 2022లో దుబాయ్‌కు వెళ్లినట్లు తెలిపారు. ఫరీదాబాద్ పోలీసుల ప్రకారం.. పంజాబ్, హర్యానా హైకోర్టు అతనిపై లుకౌట్ సర్క్యులర్‌ను రద్దు చేసిన తర్వాత, దర్యాప్తుదారులతో సహకరించాలని ఆదేశించిన తర్వాత అతను మూడు వారాల క్రితం భారతదేశానికి తిరిగి వచ్చాడు. అతడితోపాటు అతని వ్యాపార భాగస్వామి తమ హాస్పిటాలిటీ వెంచర్లతో పాటు సమాంతరంగా సైబర్ మోసం ఆపరేషన్ నిర్వహిస్తున్నారని పోలీసులు తెలిపారు.

నకిలీ స్టాక్ మార్కెట్ పెట్టుబడి పథకంలో మోసపోయిన ఫరీదాబాద్‌కు చెందిన ఒక ఇంజనీర్ జనవరి 2024లో దాఖలు చేసిన ఫిర్యాదు ఆధారంగా ఈ అరెస్టు జరిగింది. బాధితుడు 11 వేర్వేరు బ్యాంకు ఖాతాలకు Dh880,000 బదిలీ చేసినట్లు చెబుతున్నారు.  ఈ కేసుతో ముడిపడి ఉన్న రూ.497 కోట్ల (దిహ్ర216 మిలియన్లు) విలువైన ఆస్తులను ED ఇప్పటివరకు స్తంభింపజేసింది లేదా అటాచ్ చేసింది.  200 కి పైగా షెల్ కంపెనీలను నిందితులు సృష్టించినట్లు గుర్తించారు.