యూఏఈ: యూఏఈలోని అనేక మంది టాప్ హైస్కూల్ గ్రాడ్యుయేట్లు తమ తుది పరీక్ష ఫలితాలు అందుకున్న కొద్దిసేపటికే దేశ నాయకత్వాన్ని కలిసే అవకాశం దక్కింది. ఈ టాప్ గ్రాడ్యుయేట్లకు అది లోతైన ప్రేరణ, జాతీయ గుర్తింపు వచ్చేలా చేసింది. వారి విద్యా ప్రయాణాలలో ఒక ముఖ్యమైన మైలురాయిగా నిలిచిపోయింది. వివరాల్లోకి వెళితే.. 98 శాతానికి పైగా మార్కులు సాధించిన విద్యార్థులు.. యూఏఈ అధ్యక్షుడు షేక్ మొహమ్మద్ బిన్ జాయెద్ అల్ నహ్యాన్, దుబాయ్ పాలకుడు షేక్ మొహమ్మద్ బిన్ రషీద్ అల్ మక్తూమ్ లతోపాటు యూఏఈ రాజకుటుంబానికి చెందిన ఇతర నాయకులను కలిసే ప్రత్యేక అవకాశాన్ని పొందారు. వారిలో చాలా మందికి, ఇది ఒక కలలా అనిపించింది. అధినాయకులను కలిసిన గౌరవంతో పాటు, ప్రతి విద్యార్థి దుబాయ్ పాలకుడు నుండి నగదు అవార్డు, ప్రశంసా లేఖను అందుకున్నారు.  

సేవ పట్ల నిబద్ధత
యూఏఈ అధ్యక్షుడిని కలవడం మరపురాని అనుభవం అని 99.5 శాతం మార్కులు సాధించిన అప్లైడ్ టెక్నాలజీ హై స్కూల్ విద్యార్థిని రౌదా యాకూబ్ అల్మాన్సూరి తెలిపారు. “నా తండ్రిని కలిసినట్లు అనిపించింది. ఆయన మాటలు జ్ఞానంతో నిండి ఉన్నాయి. ఇది కేవలం అధికారిక సమావేశం కాదు. ఇంత కష్టపడి పనిచేసిన తర్వాత లభించిన గొప్ప బహుమతి ఇది. నా దేశానికి సేవ చేయడానికి మరింత నిబద్ధతతో నిర్ణయించుకున్నాను.” అని ఆమె అన్నారు.

'మేము మీపై ఆధారపడుతున్నాము'
యూఏఈ నాయకత్వాన్ని కలిసిన తర్వాత తన కలల మార్చాయని 99.86 శాతం మార్కులు సాధించిన అబుదాబిలోని అల్ మన్హాల్ ఇంటర్నేషనల్ ప్రైవేట్ స్కూల్ విద్యార్థి అబ్దుల్లా సమర్ హమదే తెలిపారు.  "షేక్ మొహమ్మద్ బిన్ రషీద్ అల్ మక్తూమ్ మాతో 'ముందుకు సాగండి, మేము మీపై ఆధారపడుతున్నాము' అని అన్నారు. ఈ మాటలు నాలో నిలిచిపోయాయి. మున్ముందు తమ భవిష్యత్ ప్రణాళికలకు రూపం ప్రేరణ ఇచ్చాయి." అని అబ్దుల్లా గుర్తుచేసుకున్నారు. కృత్రిమ మేధస్సును చదవాలనే తన కలను అబ్దుల్లా పంచుకున్నప్పుడు, యూఏఈ అధ్యక్షుడు వెంటనే మొహమ్మద్ బిన్ జాయెద్ యూనివర్సిటీ ఆఫ్ ఆర్టిఫిషియల్ ఇంటెలిజెన్స్‌కు స్కాలర్‌షిప్‌ను అందించారు.  దాంతోపాటు మ్యాక్‌బుక్ ప్రో, ఖలీఫా విశ్వవిద్యాలయం నుండి అదనపు స్కాలర్‌షిప్‌ను కూడా పొందారు. "కృత్రిమ మేధస్సు రంగంలో మార్గదర్శకుడిగా మారాలని, యూఏఈ విజన్ 2031కి తోడ్పడాలని నేను ఆశిస్తున్నాను." అని తిపారు.  

వారినే కలవడమే పెద్ద బహుమతి
98.79 శాతం స్కోర్ చేసిన దుబాయ్‌లోని అల్ షోరూక్ ప్రైవేట్ స్కూల్ నుండి హబీబా యాసర్ కుదైహ్ మాట్లాడుతూ..  "నేను దీన్ని అస్సలు ఊహించలేదు. వారిని కలవడం గౌరవంగా భావించడం ఉత్తమ బహుమతి. ఈ అనుభవం నాకు మనస్తత్వశాస్త్రం ఎంచుకోవడంలో కొత్త ఆత్మవిశ్వాసాన్ని పెంచింది.  ఈ గౌరవం లోతైన ప్రేరణగా నిలిచింది." అని అన్నారు.