రియాద్: హజ్, ఉమ్రా మంత్రిత్వ శాఖ ఆమోదించబడిన నియంత్రణ మార్గదర్శకాలను ఉల్లంఘించిన ఏడు ఉమ్రా కంపెనీలను సస్పెండ్ చేశారు. ఈ మేరకు ఒక ప్రకటన విడుదల చేశారు. యాత్రికుల భద్రతకు ఇలాంటి ధోరణులు ప్రమాదాలను కలిగిస్తాయని, చట్ట ప్రకారం నిర్దేశించిన జరిమానాలతో ఉల్లంఘించిన కంపెనీలపై తక్షణ చట్టపరమైన చర్యలు తీసుకున్నట్లు మంత్రిత్వ శాఖ వెల్లడించింది. తమ ఒప్పంద బాధ్యతలను నిలబెట్టుకోవడంలో విఫలమైన లేదా యాత్రికుల భద్రతకు హాని కలిగించే ఏ కంపెనీని కూడా సహించబోమని హెచ్చరించింది. ఉమ్రా ఆపరేటర్లందరూ అధికారిక నిబంధనలను పూర్తిగా పాటించాలని సూచించింది.