ఒట్టావా: సౌదీ అరేబియా - కెనడా ఒట్టావాలో తమ తొలి రౌండ్ పొలిటికల్ సంప్రదింపుల్లో పాల్గొన్నాయి.  రెండు దేశాల మధ్య ద్వైపాక్షిక సంబంధాలలో కొత్త అధ్యాయం ప్రారంభమైందని అధికార వర్గాలు తెలిపాయి. సౌదీ అరేబియా రాజకీయ వ్యవహారాల మంత్రిత్వ శాఖ అండర్ సెక్రటరీ డాక్టర్ సౌద్ అల్-సటీ, కెనడా యూరప్, ఆర్కిటిక్ , మిడిల్ ఈస్ట్ వ్యవహారాల అసిస్టెంట్ డిప్యూటీ మంత్రి అలెగ్జాండర్ లెవెక్ సమావేశాల్లో తమ దేశాల టీములకు అధ్యక్షత వహించారు.

వివిధ రంగాలలో సహకారాన్ని బలోపేతం చేయడానికి ఉన్న మార్గాలపై ఇరు పక్షాలు చర్చించాయి. అదే సమయంలో పరస్పర ఆసక్తి ఉన్న ప్రాంతీయ, అంతర్జాతీయ సమస్యలపై అభిప్రాయాలను షేర్ చేసుకున్నారు. రెండు దేశాలు తమ తమ విదేశాంగ మంత్రిత్వ శాఖల మధ్య క్రమం తప్పకుండా రాజకీయ సంప్రదింపులకు సంబంధించి ఒక అవగాహన ఒప్పందంపై సంతకం చేశాయి.