వీరభద్రమ్‌ దర్శకత్వంలో ఆది కథానాయకుడిగా నటించిన 'చుట్టాలబ్బాయి' చిత్రం ట్రైలర్‌ విడుదలైంది. ఆది సోషల్‌మీడియా ద్వారా ఆదివారం ఈ ట్రైలర్‌ను అభిమానులతో పంచుకున్నారు. హైదరాబాద్‌లోని శిల్పకళావేదికలో శనివారం ఈ చిత్రం ఆడియోను విడుదల చేశారు. శ్రీఐశ్వర్యలక్ష్మి మూవీస్‌, ఎస్‌ఆర్‌టి ఎంటర్‌టైన్‌మెంట్‌ సంయుక్తంగా వెంకట్‌ తలారి, రామ్‌ తాళ్లూరి ఈ చిత్రానికి నిర్మాతలుగా వ్యవహరిస్తున్నారు. థమన్‌ సంగీతం సమకూర్చారు. నమిత ప్రమోద్‌, సాయికుమార్‌, బ్రహ్మానందం, పోసాని, పృథ్వి, రఘుబాబు, కృష్ణభగవాన్‌ తదితరులు ఈ చిత్రంలో ప్రధాన పాత్రలు పోషిస్తున్నారు. త్వరలో 'చుట్టాలబ్బాయి' చిత్రం ప్రేక్షకుల ముందుకు రానుంది.