కెరీర్‌లో అతిపెద్ద టైటిల్‌ డబ్ల్యూబీవో ఆసియా పసిఫిక్‌ సూపర్‌ మిడిల్‌ వెయిట్‌ ఛాంపియన్‌షిప్‌ సాధించి చరిత్ర సృష్టించిన భారత ప్రొఫెషనల్‌ బాక్సర్‌ విజేందర్‌ సింగ్‌కు ప్రముఖుల నుంచి అభినందనలు వెల్లువెత్తుతున్నాయి. రాష్ట్రపతి ప్రణబ్‌ముఖర్జీ, ప్రధాని నరేంద్ర మోదీ ట్విట్టర్‌ ద్వారా విజేందర్‌కు శుభాకాంక్షలు తెలిపారు. విజేందర్‌ పడ్డ కష్టానికి తగిన ప్రతిఫలం దక్కిందని ఈ విజయం అతని ప్రతిభకి, నైపుణ్యానికి, బలానికి ప్రతిరూపమని మోదీ ట్వీట్‌ చేశారు. విజేందర్‌ విజయం దేశానికి గర్వకారణమని ప్రణబ్‌ కొనియాడారు. .