కువైట్: కువైట్ లో రికార్డు స్థాయిలో కొత్త రెస్టారెంట్స్ ప్రారంభం అవుతున్నాయి.  ఈ ఏడాది మొదటి త్రైమాసికంలో  520 వాణిజ్య లైసెన్స్‌లను కొత్త జారీ చేసినట్లు కువైట్‌ వాణిజ్య మరియు పరిశ్రమల మంత్రిత్వ శాఖ వెల్లడించింది. ఇక జనవరిలో 196, ఫిబ్రవరిలో 180 మరియు మార్చిలో 144 లైసెన్సులను జారీ చేసినట్లు తెలిపింది.  

మంత్రిత్వ శాఖ జారీ చేసిన మొత్తం లైసన్సులలో జనరల్ ట్రేడ్ లైసెన్సుల వాటా 44.4 శాతం, రెస్టారెంట్ల వాటా 12.88 శాతం, మెయింటనెన్స్ అండ్ రిపేర్ల సేవలు 10.4 శాతం ఉన్నాయి. ఇతర రంగాలలో టెక్స్ టైల్,  ట్రాన్స్ పోర్ట్, రియల్ ఎస్టేట్, ఫుడ్ ఇండస్ట్రీ, టూరిజం, ఎడ్యుకేషన్ వంటి రంగాలలో తక్కువ సంఖ్యలో లైసెన్సులు జారీ అయినట్లు తెలిపారు. ఇక కంపెనీ లైసెన్సులు 2024 మొదటి త్రైమాసికంలో 6,919తో పోలిస్తే, ఈ ఏడాది 21.3 శాతం పెరిగి 8,390కి చేరుకున్నాయని వెల్లడించారు.