దోహా: గల్ఫ్ స్టాండర్డ్ స్పెసిఫికేషన్‌లకు అనుగుణంగా లేని కొత్త లేదా యూజ్డ్ వెహికిల్స్ విక్రయాలపై ఖతార్ నిషేధం విధించింది. ఈమేరకు ఖతార్ వాణిజ్య, పరిశ్రమల మంత్రిత్వ శాఖ ఒక సర్క్యులర్ జారీ చేసింది.  కస్టమర్లను మోసాల నుంచి కాపాడటం, ఆటో మొబైల్ రంగంలో హై స్టాండర్స్ వెహికల్స్ ఉత్పత్తికి ఈ ఉత్తర్వులు దోహదం చేస్తాయని తెలిపింది.  తాజా నిర్ణయం అన్ని కార్ షోరూములు, డిజిటల్ సేల్స్ ప్లాట్‌ఫామ్‌లతో సహా అన్ని రకాల వాణిజ్య వాహనాలకు వర్తిస్తుందన్నారు.

తాజా సర్క్యులర్ ప్రకారం, ప్రామాణిక స్పెసిఫికేషన్‌లకు అనుగుణంగా లేని వాహనాలను విక్రయించడం, ప్రదర్శించడం, ప్రచారం చేయడం, సరఫరా చేయడంపై నిషేధం విధించారు.  ఏవైనా ఉల్లంఘనల గురించిన సమాచారాన్ని ప్రత్యేక హాట్‌లైన్ నంబర్ 16001 ద్వారా నివేదించాలని లేదా వాణిజ్య మంత్రి పేరుతో వారి సోషల్ మీడియా ఖాతాలకు మెసేజులు పంపాలని కోరింది.