మనామా: బహ్రెయిన్ లోని సఖిర్‌లోని ఎగ్జిబిషన్ వరల్డ్ బహ్రెయిన్‌లో 3వ ఆసియా యూత్ గేమ్స్‌ను నిర్వహించనున్నారు. ఈ మేరకు బహ్రెయిన్ అధికారికంగా ఒక ఒప్పందంపై సంతకం చేసింది. యూత్ గేమ్స్ బహ్రెయిన్ లో అక్టోబర్ 22 నుండి 31వరకు హిస్ మెజెస్టి కింగ్ హమద్ బిన్ ఇసా అల్ ఖలీఫా ఆధ్వర్యంలో జరుగనున్నాయి.

సంతకాల కార్యక్రమం ఎగ్జిబిషన్ వరల్డ్ బహ్రెయిన్‌లో జరిగింది.  దీనికి బహ్రెయిన్ టూరిజం మరియు ఎగ్జిబిషన్స్ అథారిటీ చీఫ్ ఎగ్జిక్యూటివ్ ,  ఎగ్జిబిషన్ వరల్డ్ బహ్రెయిన్ చైర్‌పర్సన్ సారా అహ్మద్ బుహెజ్జీ మరియు బహ్రెయిన్ ఒలింపిక్ కమిటీ సెక్రటరీ జనరల్ ఫారిస్ ముస్తఫా అల్ కూహెజీ హాజరయ్యారు. ఈ ఒప్పందంపై గేమ్స్ ఎగ్జిక్యూటివ్ కమిటీ చైర్మన్ యూసెఫ్ డేజ్ , ఎగ్జిబిషన్ వరల్డ్ బహ్రెయిన్ జనరల్ మేనేజర్ అలాన్ ప్రియర్ సంతకం చేశారు. మొత్తం 24 కేటగిరుల్లో గేమ్స్ జరుగుతాయి.