మనామా:బహ్రెయిన్ లో మహిళపై లైంగిక దాడికి పాల్పడినందుకు ఇద్దరు వ్యక్తులకు మూడు సంవత్సరాల జైలు శిక్షను విధించారు. అలాగే మానవ అక్రమ రవాణాకు పాల్పడినందుకు BD2,000 జరిమానా విధించారు. బాధితురాలిని ఆమె స్వదేశానికి తిరిగి పంపడానికి అయ్యే ఖర్చును కూడా వారు భరించాలని తన తీర్పులో హై క్రిమినల్ కోర్టు ఆదేశించింది. వారి జైలు శిక్షలు పూర్తయిన తర్వాత వారిని బహ్రెయిన్ నుండి శాశ్వతంగా బహిష్కరించాలని కోర్టు తీర్పునిచ్చింది.

జనరల్ డైరెక్టరేట్ ఆఫ్ క్రైమ్ డిటెక్షన్ అండ్ ఫోరెన్సిక్ ఎవిడెన్స్‌లోని యాంటీ హ్యూమన్ ట్రాఫికింగ్ డైరెక్టరేట్ రిఫర్ తో కేసు నమోదు చేసినట్లు ట్రాఫికింగ్ ఇన్ పర్సన్స్ ప్రాసిక్యూషన్ తెలిపింది. నిందితులు ఆ మహిళకు బహ్రెయిన్‌లో ఉద్యోగం ఇప్పిస్తానని హామీ ఇచ్చారని, బహ్రెయిన్ లో అడుగుపెట్టగానే ఆమెను ఒక ఫ్లాట్‌లో బంధించి, బలవంతంగా వ్యభిచారం చేయాలని బెదిరించారని దర్యాప్తు అధికారులు ఆరోపించారు.