యూఏఈ: యూఏఈ పౌరులు ఇప్పుడు తమ పాస్‌పోర్టులను ఒక ఏడాది ముందుగానే పునరుద్ధరించుకోవచ్చు.  ఆగస్టు 18నుండి 12 నెలలు లేదా అంతకంటే తక్కువ చెల్లుబాటు కాలం ఉన్న పాస్‌పోర్ట్‌లు ఉన్న పౌరులు స్మార్ట్ సర్వీసెస్ ప్లాట్‌ఫామ్ ద్వారా పునరుద్ధరించుకోవచ్చని ఫెడరల్ అథారిటీ ఫర్ ఐడెంటిటీ, సిటిజన్‌షిప్, కస్టమ్స్ మరియు పోర్ట్ సెక్యూరిటీ ప్రకటించింది.   

ఎమిరాటీ పాస్‌పోర్ట్ ప్రపంచంలోనే అత్యంత బలమైన పాస్‌పోర్ట్‌లలో ఒకటిగా ఉందని, ఈ నిర్ణయం దాని ప్రపంచ స్థాయిని మరింత పెంచుతుందని, పాస్‌పోర్ట్ జారీ మరియు పునరుద్ధరణ ప్రక్రియను ఈ ప్రాంతానికి ఒక నమూనాగా మారుస్తుందని ఫెడరల్ అథారిటీ తెలిపింది.  

హెన్లీ & పార్టనర్స్ ప్రకారం, 2025లో యూఏఈ పాస్‌పోర్ట్ ప్రపంచంలోని 10 బలమైన పాస్‌పోర్ట్‌లలో ఒకటిగా నిలిచింది. 184 దేశాలకు వీసా-రహిత యాక్సెస్ మరియు వీసా-ఆన్-అరైవల్‌ను అందిస్తోంది.  21 ఏళ్లు మరియు అంతకంటే ఎక్కువ వయస్సు ఉన్న పౌరులకు ఎమిరాటీ పాస్‌పోర్ట్‌ల చెల్లుబాటు వ్యవధిని 10 సంవత్సరాలకు పొడిగించారు.