దోహా: దోహా అంతటా పబ్లిక్ రవాణా వ్యవస్థను ప్రోత్సహించడానికి..  ట్రాఫిక్ రద్దీని నియంత్రించడానికి పార్క్ & రైడ్ సేవలను విస్తృతంగా ఉపయోగించుకోవాలని వాహనదారులకు ఖతార్ రవాణా మంత్రిత్వ శాఖ పిలుపునిచ్చింది. ముఖ్యంగా దోహా మెట్రో స్టేషన్ల దగ్గర ప్రయాణికుల కోసం ఉచితంగా పార్కింగ్ సౌకర్యాలను అందిస్తున్నట్లు తెలిపింది.

ఖతార్ లోని పబ్లిక్ బస్ ఇన్‌ఫ్రాస్ట్రక్చర్ ప్రోగ్రామ్‌లో భాగంగా ప్రారంభించబడిన పార్క్ & రైడ్ స్కీమ్ కింద వాహనదారులు తమ కార్లను పార్కింగ్ చేసి, దోహా మెట్రో సర్వీసులను ఉపయోగించుకోవాలని కోరారు.   ప్రస్తుతం, అల్ వక్రా, అల్ కస్సార్, లుసైల్ మరియు ఎడ్యుకేషన్ సిటీలో పార్క్ అండ్ రైడ్ సౌకర్యాలు అందుబాటులో ఉన్నాయని ప్రకటించింది. తదుపరి దశలో లుసైల్ మరియు ఎడ్యుకేషన్ సిటీ సైట్‌ లలో పార్కింగ్ సర్వీసులు అందుబాటులోకి వస్తాయన్నారు.