శ్రీకాంత్‌, అక్ష జంటగా నటించిన చిత్రం 'మెంటల్‌ పోలీస్‌'. ఈ చిత్రం పేరును 'మెంటల్‌'గా మార్చారు. సోమవారం నిర్వహించిన విలేకరుల సమావేశంలో చిత్ర బృందం మాట్లాడుతూ.. ఆగస్టు 12న 'మెంటల్‌'ను ప్రేక్షకుల ముందుకు తీసుకువస్తునట్లు తెలిపింది. ఈ సందర్భంగా హీరో శ్రీకాంత్‌ మాట్లాడుతూ.. తాను ఈ సినిమాలో ఒక నిజాయతీ గల పోలీస్‌ అధికారి పాత్ర పోషించినట్లు తెలిపారు. దర్శకుడు కర్ణం బాబ్జి మాట్లాడుతూ.. టైటిల్‌ విషయంలో వివాదం నెలకొనడంతో చిత్రాన్ని ఆలస్యంగా విడుదల చేస్తునట్లు చెప్పారు. రాజా ఆర్ట్‌ ప్రొడక్షన్స్‌, సుబ్రహ్మణ్యం ఆర్ట్‌ క్రియేషన్స్‌ పతాకంపై వీవీఎస్‌ఎన్‌వీ ప్రసాద్‌ దాసరి, వీవీ దుర్గాప్రసాద్‌ అనగాని సంయుక్తంగా చిత్నాన్ని నిర్మించారు.