ప్రముఖ మెసెంజర్‌ వాట్సాప్‌ మరో కొత్త ఫీచర్‌తో ముందుకొస్తోంది. ఇప్పటికే ఫాంట్‌ స్టైల్‌లో మార్పులు, డాక్యుమెంట్‌ షేరింగ్‌ వంటి కొత్త ఫీచర్లతో ఆకట్టుకుంటున్న ఈ యాప్‌ త్వరలో ఫాంట్‌ మార్చనుంది. ఇప్పటి వరకు ఉన్న ఫాంట్‌ స్థానంలో కొత్త ఫాంట్‌ను తీసుకొస్తోంది. ఆండ్రాయిడ్‌, ఐఓఎస్‌ వినియోగదారులకు ఈ సదుపాయం అందుబాటులోకి తెచ్చేందుకు వాట్సాప్‌ సిద్ధమవుతోంది. బీటా దశలో ఉన్న ఈ వెర్షన్‌ మరికొద్దిరోజుల్లో వినియోగదారులకు అందుబాటులోకి రానుంది. కొత్త ఫాంట్‌ను వినియోగించేందుకు .~ గుర్తును టెక్ట్స్‌కు ముందు, తర్వాత మూడుసార్లు వినియోగించాల్సి ఉంటుంది. దీంతో కొత్త ఫాంట్‌ అందుబాటులోకి వస్తుంది.