జిల్లాలోని గ్రామ పంచాయతీల్లో మీ-సేవ కేంద్రాల ఏర్పాటుకు ఆసక్తిగల అభ్యర్థులు ఈనెల 23వ తేదీలోగా ఆన్‌లైన్‌ ద్వారా దరఖాస్తు చేసుకోవాలని జాయింట్‌ కలెక్టర్‌ శ్వేత తెవతీయ ఒక ప్రకటనలో తెలిపారు. ఇప్పటికే మీ సేవ కేంద్రాలున్న గ్రామ పంచాయతీలు మినహా మిగతా వాటిలో ఏర్పాటుకు దరఖాస్తు చేసుకోవాలన్నారు. అభ్యర్థుల కనీస విద్యార్హత పదో తరగతి అని, కంప్యూటర్‌ పరిజ్ఞానం ఉండాలని పేర్కొన్నారు. ఆ గ్రామంలో బీఎస్‌ఎన్‌ఎల్‌ బ్రాడ్‌బ్యాండ్‌ నెట్‌వర్క్‌ ఉండాలన్నారు. దరఖాస్తుదారులు తమ ఒరిజినల్‌ సర్టిఫికెట్లు తీసుకుని నిర్ణయించిన తేదీలో వెరిఫికేషన్‌కు రావాలన్నారు. ఆన్‌లైన్‌ పరీక్ష ద్వారా మెరిట్‌ ప్రాతిపదికన మీ-సేవ కేంద్రం మంజూరు చేస్తామన్నారు.