ప్రపంచ మార్కెట్ల ప్రభావంతో బంగారం ధర బుధవారం స్వల్పంగా తగ్గింది. రూ. 100 తగ్గడంతో దేశీయ మార్కెట్లో పది గ్రాముల పసిడి ధర రూ. 30,650గా ఉంది. నగల వ్యాపారుల నుంచి డిమాండ్‌ లేకపోవడంతో ధరలు తగ్గినట్లు బులియన్‌ మార్కెట్‌ వర్గాలు వెల్లడించాయి. సింగపూర్‌ మార్కెట్లో ఔన్సు బంగారం ధర 1,326.30 అమెరికన్‌ డాలర్లుగా ఉంది.
వెండి కూడా నేడు స్వల్పంగా తగ్గింది. రూ. 110 తగ్గడంతో కేజీ వెండి ధర రూ. 46,220గా ఉంది. పారిశ్రామిక వర్గాలు, నాణేల తయారీ దారుల నుంచి కొనుగోళ్లు లేకపోవడంతో ధరలు తగ్గాయి.