కువైట్: ట్రాఫిక్ చట్టాలను కఠినంగా అమలు చేయనున్నట్లు కువైట్ ప్రకటించింది. ఇందులో భాగంగా ట్రాఫిక్ చట్టాలు, వాటి అమలుకు సంబంధించి అవగాహన కార్యక్రమాలకు శ్రీకారం చుట్టారు. ఓవర్‌టేకింగ్ నియమాలను ఉల్లంఘించే వాహనదారులను, ఉద్దేశపూర్వకంగా ట్రాఫిక్ కు ఆటంకం కలిగించే వారిని పట్టుకోవడానికి ట్రాఫిక్ మరియు ఆపరేషన్స్ టీమ్ ప్రత్యేకంగా తనిఖీలు చేపట్టింది.

ట్రాఫిక్ ఉల్లంఘనలను ట్రాక్ చేయడానికి , ఉల్లంఘించిన వారిపై కేసులు నమోదు చేయడానికి డ్రోన్‌లతో సహా ఆధునిక పర్యవేక్షణ సాధనాలను వినియోగిస్తున్నట్లు తెలిపారు.ప్రాణాలను కాపాడటానికి మరియు దేశవ్యాప్తంగా ట్రాఫిక్ సజావుగా సాగడానికి భద్రతా సిబ్బందితో సహకరించాలని పౌరులు మరియు నివాసితులను కోరారు.