యూఏఈ: కువైట్‌లోని షువైఖ్ పోర్టులో షిప్పింగ్ కంటైనర్‌లో కేబుల్ రీల్స్‌ లో దాచిపెట్టి, అక్రమంగా తరలిస్తున్న ఆల్కహాల్‌ను పెద్ద మొత్తంలో అధికారులు సీజ్ చేశారు.  ఈ మేరకు కువైట్ అంతర్గత వ్యవహారాల మంత్రిత్వ శాఖ, కస్టమ్స్ ఇన్వెస్టిగేషన్ డిపార్ట్‌మెంట్ అధికారులు సోషల్ మీడియా ప్రకటనలో తెలిపారు. ఓ యూరోపియన్ దేశం నుండి వచ్చిన 20 అడుగుల షిప్పింగ్ కంటైనర్‌లో దాచిపెట్టిన 3,037 ఆల్కహాల్ బాటిళ్లను అక్రమంగా రవాణా చేయడానికి జరిగిన ప్రయత్నాన్ని కస్టమ్స్ జనరల్ అడ్మినిస్ట్రేషన్ విజయవంతంగా అడ్డుకున్నట్లు వెల్లడించారు.  

స్టీల్ కేబుల్ రీల్స్‌ను తీసుకువెళుతున్నట్లు ప్రకటించిన కంటైనర్‌లో లిక్కల్ బాటిళ్లను తరలించడం ఆశ్చర్యానికి గురిచేసిందన్నారు.  కేబుల్ రీల్స్‌ ను కట్ చేసి లిక్కల్ బాటిల్స్ ను వెలికితీసే వీడియోను కువైట్ అంతర్గత వ్యవహారాల మంత్రిత్వ శాఖ షేర్ చేసింది. ఇలా నిషేధిత పదార్థాలను అక్రమంగా రవాణా చేయడానికి ప్రయత్నించే వారిపై కఠిన చర్యలు తీసుకుంటామని ఈ సందర్భంగా హెచ్చరించారు.