దోహా: అమెరికా అధ్యక్షుడు ట్రంప్ ప్రణాళికకు హమాస్ అంగీకరించింది. తమ వద్ద ఉన్న బందీలను విడుదల చేయడానికి సంసిద్ధత వ్యక్తం చేసింది. హమాస్ ప్రకటనను ఖతార్ స్వాగతించింది. ఈ మేరకు ఖతార్ ప్రధానమంత్రి సలహాదారు మరియు విదేశాంగ మంత్రిత్వ శాఖ అధికారిక ప్రతినిధి డాక్టర్ మజీద్ బిన్ మొహమ్మద్ అల్ అన్సారీ ఒక ప్రకటన విడుదల చేశారు. బందీలను సురక్షితంగా విడుదల చేయడానికి వీలుగా తక్షణం కాల్పుల విరమణ ప్రకటించాలని డాక్టర్ అల్ అన్సారీ అన్నారు.  యుద్ధాన్ని ముగించేందుకు అమెరికా ప్రణాళికపై చర్చలను కొనసాగించడానికి, ఈజిప్ట్ తో కలిసి ఖతార్ పనిచేస్తుందని పేర్కొన్నారు.