కువైట్: కువైట్ బేలో ముల్లెట్ ఫిషింగ్ పై అమల్లో ఉన్న నిషేధాన్ని కువైట్ ఎత్తివేసింది. స్థానికంగా ముల్లెట్ ఫిష్ ల సరఫరాను పెంచడం మరియు వాటి ధరలను తగ్గించడం లక్ష్యంగా కువైట్ బే లోపల ముల్లెట్ చేపలు పట్టడానికి పబ్లిక్ అథారిటీ ఫర్ అగ్రికల్చరల్ అఫైర్స్ అండ్ ఫిష్ రిసోర్సెస్ (PAAAFR) అనుమతిని మంజూరు చేసింది. ఇప్పుడు మత్స్యకారులు అక్టోబర్ నుండి నవంబర్ చివరి వరకు కాలానుగుణ నిషేధం అమలులోకి వచ్చే వరకు బేలో ముల్లెట్‌ లను పట్టుకోవచ్చని అధికారులు తెలిపారు.  
కువైట్ బే లోపల చేపలు పట్టడంపై గత 20 ఏళ్లుగా ఉన్న నిషేధాన్ని ఎత్తివేయాలని కువైట్ జాలర్ల సంఘం పదేపదే పిలుపునిచ్చిన నేపథ్యంలో ఈ నిర్ణయం తీసుకున్నట్లు తెలుస్తోంది. అయితే, బేలో  ఏడాది పొడవునా చేపలు పట్టడానికి అనుమతిస్తే ముల్లెట్ ధరలు మరింత తగ్గుతాయని యూనియన్ చైర్మన్ అబ్దుల్లా అల్-సర్హీద్ తెలిపారు. జూలై నుండి సెప్టెంబర్ వరకు కువైట్ ఆర్థిక జలాల్లో తీరం నుండి 12 మైళ్ల దూరంలో ఉన్న ముల్లెట్‌ను మాత్రమే మత్స్యకారులు పట్టుకోవడానికి అనుమతి ఉంటుందన్నారు.