మనామా: బహ్రెయిన్, సౌదీ అరేబియా మధ్య దీర్ఘకాల చారిత్రక సంబంధాలు, సోదర బంధం ఉందని బహ్రెయిన్ కింగ్ హమద్ బిన్ ఇసా అల్ ఖలీఫా వెల్లడించారు. అల్-సఫ్రియా ప్యాలెస్‌లో సౌదీ అరేబియా విదేశాంగ మంత్రి, రాయల్ హైనెస్ ప్రిన్స్ ఫైసల్ బిన్ ఫర్హాన్ బిన్ అబ్దుల్లా అల్ సౌద్‌ మర్యాదపూర్వకంగా కలిసిన సందర్భంగా ఈ మేరకు వ్యాఖ్యానించారు. ఆయన బహ్రెయిన్-సౌదీ సమన్వయ మండలి కార్యనిర్వాహక కమిటీ సమావేశంలో పాల్గొనడానికి బహ్రెయిన్‌ కు వచ్చారు.  అంతకుముందు సౌదీ విదేశాంగ మంత్రికి కింగ్ హమద్ సాదర స్వాగతం పలికారు.   

ప్రస్తుత ప్రాంతీయ సవాళ్ల నేపథ్యంలో ఉమ్మడి సహకారం, సమన్వయం మరియు సంప్రదింపులను ఇటువంటి పర్యటనలు బలోపేతం చేస్తాయన్నారు. బహ్రెయిన్-సౌదీ సంబంధాలను పటిష్టం చేయడంలో కింగ్ సల్మాన్ చేసిన ప్రయత్నాలను ఆయన ప్రశంసించారు.