కువైట్: కువైట్ లోని గవర్నరేట్‌లలో పబ్లిక్ హైజీన్ మరియు రోడ్ ఆక్యుపెన్సీ విభాగాలు ఫీల్డ్ తనిఖీలను ముమ్మరం చేశాయని కువైట్ మునిసిపాలిటీ ప్రకటించింది. మున్సిపల్ చట్టాలను కఠినంగా అమలు చేస్తున్నామని, పరిశుభ్రత మరియు రోడ్ ఆక్యుపెన్సీ నిబంధనలను ఉల్లంఘించిన పలు వాహనాలను తొలగించినట్లు తెలిపింది.  మొత్తం 27 కార్లు, బోట్లను తొలగించినట్లు అధికారులు తెలిపారు.

అలాగే, పబ్లిక్ పరిశుభ్రత మరియు రహదారి అడ్డంకులు సృష్టించిన పలువురికి నోటీసీలు జారీ చేశారు. రోడ్లపై వదిలేసిన వాహనాలు మరియు వాణిజ్య కంటైనర్లకు రిమువల్ స్టిక్కర్లను అంటించారు. అదే సమయంలో పబ్లిక్ హైజిన్స్ ను మెరుగుపరచడానికి 20 పాత వ్యర్థ కంటైనర్లను కొత్త వాటితో భర్తీ చేసినట్లు వెల్లడించారు.