యూఏఈ: ఎయిర్ ఇండియా ఎక్స్‌ప్రెస్ గల్ఫ్‌లోని భారతీయ ప్రవాసుల కోసం ఒక అద్భుతమైన పండుగ ఆఫర్‌ను ప్రవేశపెట్టింది. దీని ద్వారా ప్రయాణీకులు భారతదేశానికి వెళ్లే విమానాలలో కేవలం Dh1 చెల్లించి 10 కిలోగ్రాముల అదనపు లగేజీని తీసుకెళ్లవచ్చు.

పెద్ద సంఖ్యలో భారతీయులలో పండుగ ఉత్సాహాన్ని నింపేందుకు ఉద్దేశించిన ఈ ప్రమోషన్ అక్టోబర్ 31వరకు చేసిన బుకింగ్‌లకు, నవంబర్ 30 వరకు ప్రయాణాలకు అందుబాటులో ఉంటుందని తెలిపింది. ఈ ఆఫర్ యూఏఈ, సౌదీ అరేబియా, కువైట్, ఒమన్, బహ్రెయిన్ మరియు ఖతార్‌తో సహా అన్ని గల్ఫ్ గమ్యస్థానాల నుండి కొనుగోలు చేసిన టిక్కెట్లకు వర్తిస్తుందని ఎయిర్ ఇండియా వెల్లడించింది.

ఎయిర్ ఇండియా అనుబంధ సంస్థ మరియు టాటా గ్రూప్‌లో భాగమైన ఎయిర్ ఇండియా ఎక్స్‌ప్రెస్.. దుబాయ్, షార్జా, అబుదాబి, మస్కట్, దమ్మామ్ మరియు దోహా నుంచి 20 కంటే ఎక్కువ భారతీయ నగరాలకు ఫ్లైట్ సర్వీసులను నడుపుతోంది.