కువైట్ః కువైట్ లోని అన్ని గవర్నరేట్‌లలో పబ్లిక్ హైజిన్ మరియు రహదారి ఆక్రమణ నిబంధనల ఉల్లంఘనలను ఎదుర్కొవడానికి స్పెషల్ డ్రైవ్ చేపట్టినట్టు కువైట్ మునిసిపాలిటీ ప్రకటించింది. ఈ సందర్భంగా ఫర్వానియా గవర్నరేట్‌లో జలీబ్ అల్-షుయౌఖ్ ప్రాంతంలో 10 కార్లను తొలగించారు. ఈ ఆపరేషన్‌లో 150 మంది కార్మికులు పాల్గొన్నారని తెలిపారు.
క్యాపిటల్ గవర్నరేట్‌లో పబ్లిక్ క్లీన్లీనెస్ మరియు రోడ్ ఆక్యుపేషన్స్ డిపార్ట్‌మెంట్ డైరెక్టర్ ఫైసల్ అల్-ఒతైబి తనిఖీలను పర్యవేక్షించారు. షువైఖ్ ఇండస్ట్రియల్ ఏరియాలో తనిఖీల సందర్భంగా 32 కార్లను స్వాధీనం చేసుకున్నారు. నిబంధనలను ఉల్లంఘించిన 43 మందికి నోటీసులు జారీ చేశారు. కాగా, అన్ని ప్రాంతాలలో ఫీల్డ్ తనిఖీలు కొనసాగుతాయని అల్-ఒతైబి తెలిపారు.