మస్కట్: ఒమన్ సుల్తానేట్ పర్యటనలో భాగంగా షురా కౌన్సిల్ ను ఇండియన్ నేషనల్ డిఫెన్స్ కాలేజ్ ప్రతినిధి బృందం సందర్శించింది.  కౌన్సిల్ పనిచేసే విధానాన్ని భారత బృందం పరిశీలించారు. అంతకుముందు వారికి షురా కౌన్సిల్ సభ్యులు హుస్సేన్ మొహమ్మద్ అల్-లవతి మరియు జుమా సయీద్ అల్-వహైబి ఘన స్వాగతం పలికారు.

అనంతరం కౌన్సిల్ విధులు గురించి, ప్రభుత్వం సూచించిన ముసాయిదా చట్టాలను మరియు కౌన్సిల్ ప్రతిపాదించిన వాటిని సమీక్షించే విధానాల గురించి ప్రతినిధి బృందానికి వివరించారు. సందర్శనలో భాగంగా భారత ప్రతినిధి బృందం ఒమన్ కౌన్సిల్ భవనం, కౌన్సిల్ లైబ్రరీని సందర్శించింది.