మదీనా: మదీనా ప్రాంతంలో పర్యాటక రంగం దూసుకెళ్తుంది. మదీనా ఆర్థిక శక్తికి 4వ అతిపెద్ద భాగస్వామ్యంగా పర్యాటక రంగం ఉందని మదీనా చాంబర్ ఆఫ్ కామర్స్ నివేదిక తెలిపింది.  2025 మొదటి త్రైమాసికంలో మదీనా శ్రామిక శక్తిలో 11 శాతం మందికి పర్యాటక రంగం ఉద్యోగాలను అందించిందని పేర్కొంది.

2024 చివరి త్రైమాసికంలో అత్యధిక హోటల్ ఆక్యుపెన్సీ రేటును నమోదు చేసిందని తెలిపింది. ఇక సర్వీస్డ్ అపార్ట్‌మెంట్‌ల ఆక్యుపెన్సీ రేటు 48.7 శాతానికి చేరుకుందన్నారు. ఇది హోటల్ మరియు పర్యాటక సేవలకు బలమైన డిమాండ్‌ను తెలియజేస్తుందని నివేదిక తెలిపింది. మదీనా రాజ్యంలో మక్కా తర్వాత రెండవ స్థానంలో ఉందని వెల్లడించింది.