కువైట్: భారత విదేశాంగ మంత్రిత్వ శాఖ (MEA) రాబోయే రెండేళ్లపాటు విదేశాల్లోని భారత మిషన్లు మరియు పోస్ట్‌లు జారీ చేసే ఏవైనా టెండర్లలో BLS ఇంటర్నేషనల్ సర్వీసెస్ లిమిటెడ్ పాల్గొనకుండా నిషేధించింది. కొన్ని కోర్టు కేసులు మరియు దరఖాస్తుదారుల నుండి వచ్చిన ఫిర్యాదుల నేపథ్యంలో ఈ నిర్ణయం తీసుకున్నట్లు పేర్కొంది. 

అయితే, విదేశాలలో ఉన్న భారతీయులకు వీసా, పాస్‌పోర్ట్ మరియు బయోమెట్రిక్ సేవలు అంతరాయం లేకుండా కొనసాగుతాయని స్పష్టం చేసింది.  కాగా, BLS ఇంటర్నేషనల్ ఆదాయంలో భారతీయ మిషన్లు దాదాపు 12% వాటాను కలిగి ఉన్నాయి.

MEA ఉత్తర్వులపై  BLS ఇంటర్నేషనల్  స్పందించింది.  విదేశాలలో నివసిస్తున్న భారతీయులకు, పాస్‌పోర్ట్ పునరుద్ధరణలు, వీసా ప్రాసెసింగ్ మరియు డాక్యుమెంట్ అటెస్టేషన్‌తో సహా అన్ని సేవలు ఇప్పటికే ఉన్న కేంద్రాల ద్వారా యథావిధిగా కొనసాగుతాయని BLS తెలిపింది.