మస్కట్: అల్ ఖబౌరాలోని ప్రవహించే వాగులో వాహనాలను ప్రమాదకరంగా నడుపుతూ.. వారితో ప్రయాణించే వారి ప్రాణాలకు ముప్పు కలిగించే విధంగా నిర్లక్ష్యంగా ప్రవర్తించిన పలువురిని పోలీసులు అరెస్టు చేశారు. ఈ ప్రమాదకరమైన విన్యాసాలకు సంబంధించిన వీడియోలు సోషల్ మీడియాలో వైరల్ కావడంతో నార్త్ అల్ బటినా గవర్నరేట్ పోలీస్ కమాండ్ స్పందించి, విచారణ ప్రారంభంచింది. వీడియోలో ఉన్న పలువురిని అదుపులోకి తీసుకున్నారు.  వారిపై చట్టపరమైన చర్యలు చేపట్టినట్లు వెల్లడించారు. నిబంధనలు ఉల్లంఘించిన వారిపై కఠిన చర్యలు తీసుకుంటామని హెచ్చరించారు.