రియాద్: స్టాటిన్‌తో సహా కొలెస్ట్రాల్ తగ్గించే మందులను అంతర్జాతీయంగా మరియు స్థానికంగా సౌదీ ఫుడ్ అండ్ డ్రగ్ అథారిటీ (SFDA) ఆమోదించిందని సౌదీ అరేబియా ఆరోగ్య మంత్రిత్వ శాఖ పేర్కొంది. ఈ మందులు సురక్షితమైనవి మరియు ప్రభావవంతమైనవి అని పేర్కొంది.  గుండె జబ్బులు మరియు స్ట్రోక్‌లను నివారించడానికి, అధిక కొలెస్ట్రాల్ లేదా సంబంధిత దీర్ఘకాలిక పరిస్థితులతో బాధపడుతున్న రోగులలో సమస్యలను తగ్గించడానికి విస్తృతంగా ఉపయోగిస్తున్నారని తెలిపింది.

స్టాటిన్ కొలెస్ట్రాల్ తగ్గించే మందులకు సంబంధించి సోషల్ మీడియా ప్లాట్‌ఫామ్‌లలో తప్పుదారి పట్టించే సమాచారం వ్యాప్తి చెందుతోందని మంత్రిత్వ శాఖ ఒక ప్రకటనలో తెలిపింది.  వైద్య పర్యవేక్షణ లేకుండా ఏ మందులను నిలిపివేయకూడదని, మార్చకూడదని మంత్రిత్వ శాఖ స్పష్టం చేసింది.  ఇలాంటి తప్పుదారి పట్టించేలా లేదా ఫేక్ వైద్య సమాచారాన్ని వ్యాప్తి చేసే వ్యక్తులపై చట్టపరమైన చర్యలు తీసుకుంటామని హెచ్చరించారు.