రియాద్: సౌదీ అరేబియాలో డొమెస్టిక్ వర్కర్ రిక్రూట్ మెంట్ కు సంబంధించి కొత్త గైడ్ లైన్స్ విడుదల అయ్యాయి.  మానవ వనరులు మరియు సామాజిక అభివృద్ధి మంత్రిత్వ శాఖ విడుదల చేసిన  ఈ గైడ్ లైన్స్ ప్రకారం.. డొమెస్టిక్ వర్కర్ రిక్రూట్ మెంట్ నిబంధనలను ఉల్లంఘించే ఎంప్లాయర్ కు గరష్ఠంగా SR20,000 ఫైన్ తోపాటు మూడు సంవత్సరాల పాటు కార్మికుల నియామకంపై నిషేధం విధిస్తారు.  

అలాగే, వర్కర్ కు మంచి పని వాతావరణాన్ని కల్పించాలి. నియామకం, వృత్తుల మార్పు, సేవల బదిలీ, నివాస అనుమతి (ఇఖామా) మరియు పని అనుమతులకు సంబంధించిన ఎటువంటి రుసుములను వసూలు చేయవద్దని నిర్దేశించారు. ముందుగా చేసుకున్న ఒప్పందం ప్రకారం వేతనాలను చెల్లించాలి. 8 వర్క్ అవర్స్, వీక్లీ ఆఫ్ తోపాటు  రెండు సంవత్సరాల పని తర్వాత పూర్తి నెల రోజులపాటు సెలవు కల్పించాలి. నిబంధనలకు అనుగుణంగా సెలవులను అనుమతించాలని పేర్కొన్నారు.

 డొమెస్టిక్ వర్కర్ సెక్టర్ ను నియంత్రించడం అనేది అన్ని పార్టీల హక్కులను రక్షించడానికి మరియు న్యాయం, గౌరవం ఆధారంగా పని వాతావరణాన్ని నిర్ధారించడంలో మంత్రిత్వ శాఖ నిబద్ధత తో పనిచేస్తుందని స్పష్టం చేశారు.   అదే సమయంలో సౌదీ అరేబియా చట్టాలు , నిబంధనలకు అనుగుణంగా ఎంప్లాయర్స్ తో చేసుకున్న ఒప్పందం ప్రకారం డొమెస్టిక్ వర్కర్స్ పనిచేయాలని సూచించారు.