సౌదీ అరేబియాలో పోకెమాన్‌ గో ఆటను ఆడితే గనుక 300 సౌది రియాల్స్‌ జరీమానా విధించనున్నట్లు ట్రాఫిక్‌ డిపార్ట్‌మెంట్‌ స్మార్ట్‌ ఫోన్‌ వినియోగదారులను హెచ్చరించింది. పోకెమాన్‌ గో అనే ఆటతో ప్రపంచ వ్యాప్తంగా అనేకమంది ప్రమాదాలకు గురవుతున్నారు. గేమ్‌ ఆడుతూ వాహనాలు నడపడం ద్వారా ప్రమాదాలకు కారణమవుతున్నారు వాహనదారులు. దాంతో పలు దేశాల్లో పోకెమాన్‌ గో గేమ్‌పై నిషేధాజ్ఞలు కొనసాగుతున్నాయి. అతి తక్కువ కాలంలోనే ఈ గేమ్‌ పట్ల స్మార్ట్‌ఫోన్‌ వినియోగదారులు విపరీతమైన ఇష్టాన్ని పెంచుకున్నారు. అయితే పోకెమాన్‌ గేమ్‌ తయారు చేసిన కంపెనీ మాత్రం లాభాల మీద లాభాలు ఆర్జిస్తోంది. ఫోన్‌ కెమెరా జిపిఎస్‌తో కనెక్ట్‌ అవడం ద్వారా ఓ వ్యక్తి స్వయంగా ఈ గేమ్‌లో పాల్గొనడం జరుగుతోంది. అదే అన్ని అనర్ధాలకూ కారణమవుతోంది.