వచ్చే నెలలో బ్రెజిల్‌ రాజధాని రియో డి జెనీరోలో ఆరంభంకానున్న ఒలింపిక్‌ గేమ్స్‌పై భారత్‌లో అవగాహన తీసుకురావడంలో భాగంగా 'రియో పరుగు'ను నిర్వహించనున్నారు. దిల్లీలోని ఇండియా గేట్‌ వద్ద రియో పరుగును భారత ప్రధాని నరేంద్రమోదీ ఈ నెల 31న ప్రారంభిస్తారని కేంద్ర క్రీడలశాఖ మంత్రి విజయ్‌ గోయల్‌ తెలిపారు. వేలాది మంది ప్రజలు ఈ పరుగులో పాల్గొని భారత ఒలింపిక్‌ అథ్లెట్లకు మద్దతు పలకనున్నట్లు అసోచామ్‌ కాన్ఫరెన్స్‌లో గోయల్‌ పేర్కొన్నారు. ఆగస్టు 5 నుంచి 21 వరకు రియో వేదికగా ఒలింపిక్‌ గేమ్స్‌ జరగనున్న విషయం తెలిసిందే.