న్యూజిల్యాండ్‌లోని క్వీన్స్‌టౌన్‌ అంతర్జాతీయ విమానాశ్రయానికి బాంబు బెదిరింపు కలకలం రేపింది. సిడ్నీ నుంచి క్వీన్స్‌టన్‌ ఎయిర్‌పోర్ట్‌కు చేరుకున్న కాంటాస్‌ క్యూఎఫ్‌ 121విమానంలో బాంబు ఉన్నట్లు ఓ కాగితం లభ్యమైంది. దీంతో అధికారులు అప్రమత్తమై విమానాశ్రయంలోని సిబ్బంది, ప్రయాణికులను బయటకు తరలించారు. అధికారులు, బాంబ్‌ స్వా్కడ్‌ సిబ్బంది విమానంలో క్షుణ్ణంగా తనిఖీలు చేపట్టారు. అయితే ఆ సమయంలో విమానంలో ప్రయాణికులు లేకపోవడంతో అధికారులు వూపిరి పీల్చుకున్నారు.