రాష్ట్ర భారీ నీటిపారుదల, మార్కెటింగ్ శాఖ మంత్రి తన్నీరు హరీష్‌రావు సోమవారం జపాన్ దేశానికి వెళుతున్నారు. ఆయనతోపాటు రాష్ట్ర ప్రభుత్వ ప్రత్యేక కార్యదర్శి, పలువురు ఇంజినీర్లు కూడా వెళ్లనున్నారు. రాష్ట్ర ప్రభుత్వం ప్రతిష్టాత్మకంగా నిర్వహించతలపెట్టిన కాళేశ్వరం ప్రాజెక్టుకు సంబంధించిన పంపులు జపాన్ దేశంలో రూపొందుతున్నాయి. దీంతో వాటి మోడల్ ను పరిశీలించేందుకు మంత్రి హరీష్ రావుతోపాటు అధికారుల బృందం జపాన్ దేశానికి వెళుతున్నారు. అలాగే ప్రాణహిత ప్రాజెక్టుకు సంబంధించిన పంపులు ఆస్ట్రియా దేశంలో రూపొందుతుండగా అక్కడకు కూడా వెళ్లి వాటిని కూడా పరిశీలించనున్నారు.