దోహా: దోహాలో కీలకమైన అల్ ఖోర్ కార్నిష్ స్ట్రీట్ ను 4 రోజులపాటు మూసివేయనున్నారు. ఈ మేరకు పబ్లిక్ వర్క్స్ అథారిటీ తెలిపింది. రెండవ దశ పునరుద్ధరణ పనుల కోసం రోడ్డును తాత్కాలికంగా మూసివేయనున్నట్లు వెల్లడించారు. 

నవంబర్ 13 నుండి నవంబర్ 15 వరకు రాత్రి 9 గంటల నుండి ఉదయం 5 గంటల వరకు మూసివేత ఆంక్షలు అమలులో ఉంటాయని తెలిపింది. వాహనదారులు ప్రత్యామ్నాయ రోడ్లను ఉపయోగించాలని అథారిటీ అధికారులు సూచించారు. రోడ్డుపై ఏర్పాటు చేసిన సైన్ బోర్డులను ఫాలో కావాలని, ట్రాఫిక్ నిబంధనలను కచ్చితంగా పాటించి, సురక్షితంగా తమతమ గమ్యస్థానాలకు చేరుకోవాలని కోరారు.