నిన్నఖతార్ లో ఏర్పాటుచేయబడిన 360 మసీదులు, ప్రార్ధనాలయాలలో ఈద్-ఉల్-ఫిత్ర్ మొదటిరోజు ప్రార్ధనలు, ఉత్సవాలు మిన్నంటాయి. అధికవేడిని, ఉక్కపోతను తట్టుకుంటూ వేలమంది భక్తులుమసీదులలోనూ,  ప్రత్యేకంగా ఏర్పాటుచేయబడిన ప్రార్ధనా స్థాలాలలోనూ తెల్లవారుఝాము నుండే ప్రార్ధనలు చేయడం  ఆరంభించారు. మాష్రైబ్ లోని చారిత్రాత్మక ఈద్ ప్రార్ధనా స్థలంలోను, ఇమామ్ ముహమ్మద్ అబ్దుల్ వాహాబ్ మసీదు ఇంకా అల్ షేక్ అబ్దుల్లా బిన్ జాయెద్ అల్ మహ్మౌద్ ఇస్లామిక్ కల్చరల్ సెంటర్ (ఫానార్) లు భక్తులతో కిక్కిరిసిపోయాయి. కొన్నిచోట్ల ప్రార్ధనా సమయానికిముందే అవి కిక్కిరిసిపోవడం వల్ల, భక్తులు పేవ్మెంట్ ల మీదే ప్రార్ధనలు చేయడం కానవచ్చింది.

--వి.రాజ్ కుమార్ (మాగల్ఫ్ ప్రతినిధి,ఖతార్)