ఈద్ మొదటిరోజైనందున శుక్రవారం నాడు బహ్రెయిన్ లోని మసీదులలోనూ, చుట్టుపక్కల భద్రతా ఏర్పాట్లను కట్టుదిట్టం చేశారు. కువైట్, సౌదీ అరేబియాలలో ఇస్లామిక్ స్టేట్ తీవ్రవాద దాడి అనేకమందిని పొట్టనపెట్టుకున్న నేపధ్యంలో గుఫూల్ లోని కానూ మసీదు, జుఫైర్ లోని అహ్మద్ అల్ ఫతే ఇస్లామిక్ సెంటర్ (గ్రాండ్ మాస్క్), ఏ'అలీ గ్రాండ్ మాస్క్ ఇంకా ఈశా టౌన్ మాస్క్ తో సహా ప్రముఖ మసీదులకు పోలీసు చెక్-పోస్టులు ఏర్పాటుచేశారు. కార్ పార్కింగులలో కెమెరాలు ఏర్పాటు చేయబడ్డాయి; వాహనాలను పోలీసులు తనిఖీ చేస్తున్నారు. ఐతే బహ్రైన్లో, సున్నీ మరియు షీయా ముసల్మానులు సామరస్యంగా, ఐక్యతతో ఒకేప్రదేశంలో కలసి ప్రార్ధన చేయడం ప్రశంసనీయం!

--యం.వాసుదేవ రావు(మాగల్ఫ్ ప్రతినిధి,బహ్రెయిన్)