రియాద్: సౌదీ అరేబియా మరియు రష్యా లు పరస్పర వీసా మినహాయింపు ఒప్పందంపై సంతకం చేశాయి. రియాద్‌లో జరిగిన సౌదీ-రష్యన్ పెట్టుబడి మరియు వ్యాపార వేదిక సందర్భంగా ఈ సంతకాల కార్యక్రమం జరిగింది.సౌదీ విదేశాంగ మంత్రి ప్రిన్స్ ఫైసల్ బిన్ ఫర్హాన్ మరియు రష్యన్ ఫెడరేషన్ ఉప ప్రధాన మంత్రి అలెగ్జాండర్ నోవాక్ ఈ ఒప్పందంపై సంతకాలు చేశారు.

ఒకే క్యాలెండర్ సంవత్సరంలో వరుసగా లేదా వేర్వేరు సందర్శనలలో 90 రోజుల వరకు రెసిడెన్సీ సదుపాయాలను ఈ ఒప్పందం అనుమతిస్తుంది. ఈ ఒప్పందం రెండు దేశాల పౌరులకు సందర్శనలను పెంచడానికి మరియు పర్యాటకం, ఆర్థిక, సాంస్కృతిక రంగాలలో సహకారాన్ని బలోపేతం చేయడానికి నిబద్ధతను ప్రతిబింబిస్తుందని అధికారులు తెలిపారు.  అయితే, వర్క్, రీసెర్చ్, రెసిడెన్సీ లేదా హజ్ కోసం వచ్చే వారికి ఈ ఒప్పందం వర్తించదని అధికారులు తెలిపారు.