అబుదాబి: డిసెంబర్ 16, 2025న అబుదాబిలో జరగనున్న IPL 2026 మినీ వేలం కోసం భారీ సంఖ్యలో ఆటగాళ్లు నమోదు చేసుకున్నారు.మొత్తం 1,355 మంది పేరు పెట్టగా, చివరకు ఆ జాబితా 359 మందికి తగ్గింది.

ఈ తుది జాబితాలో భారత్ అత్యధికంగా 244 మంది ఆటగాళ్లతో అగ్రస్థానంలో నిలిచింది.

ఆస్ట్రేలియా, ఇంగ్లండ్—విదేశీ ఆటగాళ్లలో ముందంజ

విదేశీ ఆటగాళ్ల పరంగా చూస్తే—

• ఇంగ్లండ్: 22 మంది
• ఆస్ట్రేలియా: 21 మంది

ఈ రెండు దేశాలు టాప్ స్థానం దక్కించుకున్నాయి.

ఇక న్యూజిలాండ్ మరియు దక్షిణాఫ్రికా (auction players list) నుంచి చెరో 16 మంది ప్లేయర్లు వేలం జాబితాలో ఉన్నారు.

ఇతర దేశాల పరిస్థితి

IPL 2026 వేలం తుది జాబితాలో ఇతర దేశాల నుంచి కూడా మంచి ప్రాతినిధ్యం ఉంది:

• ఆఫ్ఘానిస్థాన్–10 మంది
• బంగ్లాదేశ్–7 మంది
• శ్రీలంక–12 మంది
• వెస్ట్ ఇండీస్–9 మంది

ఐర్లాండ్‌కు చెందిన జోష్ లిటిల్ మరియు మలేసియా‌కు చెందిన వీరందీప్ సింగ్ తమ దేశాల నుంచి ఏకైక ప్రతినిధులు.

వేలం విషయాలు – మరిన్ని వివరాలు

IPL జట్లు మొత్తం 77 స్థానాలు భర్తీ చేయాలి, అందులో 31 విదేశీ ఆటగాళ్లను మాత్రమే తీసుకోవచ్చు.
వేలం క్రమం ఇలా ఉంటుంది:
బ్యాటర్లు→ఆల్‌రౌండర్లు→వికెట్‌కీపర్లు→ఫాస్ట్ బౌలర్లు→స్పిన్నర్లు→అన్‌క్యాప్డ్ ప్లేయర్లు.

వేలం 1 PM (UAE), 2:30 PM (IST) కు ప్రారంభమవుతుంది.
ఈసారి గరిష్ట బేస్‌ప్రైస్ ₹2 కోట్లు—ఈ కేటగిరీలో 40 మంది ఆటగాళ్లు నమోదు చేసుకున్నారు.