జీవితాన్ని దేశ సేవకే అర్పించిన భరతమాత ముద్దుబిడ్డ అబ్దుల్ కలాం అని కేంద్ర మంత్రి వెంకయ్య నాయుడు   శ్లాఘించారు. మాజీ రాష్ట్రపతి అబ్దుల్ కలాం తొలి వర్ధంతి సందర్భంగా తమిళనాడులోని రామేశ్వరంలో ఆయన విగ్రహాన్ని ఆవిష్కరించారు. ఈ సందర్భంగా వెంకయ్య నాయుడు మాట్లాడారు. శాస్త్ర సాంకేతిక రంగాల్లోనే కాదు, రక్షణ ఆర్థిక రంగాల్లోనూ దేశం బలంగా ఉండాలని కలాం కోరుకున్నారని చెప్పారు. పనియే దైవంగా భావించిన మహామనీషి అబ్దుల్ కలాం అని వెంకయ్య నాయుడు నివాళి అర్పించారు.