దోహా: ఖతార్ లో వాతావరణం వేగంగా మారుతోంది. రాబోయే రోజుల్లో ఉష్ణోగ్రతలు భారీగా తగ్గనున్నాయని ఖతార్ వాతావరణ కేంద్రం డైరెక్టర్ అబ్దుల్లా మొహమ్మద్ అల్ మన్నాయ్ తెలిపారు. వాయువ్య గాలుల తీవ్రత కారణంగా రాబోయే మూడు రోజుల్లో ఉష్ణోగ్రతలు గణనీయంగా తగ్గుతాయని పేర్కొన్నారు. ఈ సీజన్‌లో ఖతార్‌ తో చలి తీవ్రత అధికంగా ఉండే అవకాశం ఉందని తెలిపారు. 

మరోవైపు కొన్ని ప్రాంతాల్లో అల్పపీడనం కారణంగా మోస్తరు వర్షపాతం నమోదవుతుందని అన్నారు. కొన్ని ప్రాంతాల్లో వడగళ్లు పడినట్లు నివేదికలు ఉన్నాయని తెలిపారు. కాగా, వాతావరణ మార్పులను నిరంతరం పర్యవేక్షిస్తున్నట్లు పేర్కొన్నారు. అధికారిక ఛానళ్ల ద్వారా వచ్చే సమాచారాన్ని మాత్రమే ఫాలో కావాలని కోరారు.