దోహా: 2026లోనూ ఖతార్ టూరిజం దూకుడు కొనసాగనుంది. ఈ మేరకు అరేబియన్ ట్రావెల్ మార్కెట్ (ATM) తాజా ట్రావెల్ ట్రెండ్స్ రిపోర్ట్ తెలిపింది.  బలమైన ఫ్లైట్ కనెక్టివిటీ, పెరుగుతున్న బిజినెస్ ఈవెంట్లు, పలు స్పోర్ట్స్ ఈవెంట్ల షెడ్యూల్ ఖతార్ కు భారీగా విజిటర్స్ ను తీసుకొస్తుందని రిపోర్టు వెల్లడించింది.

2024–2025లో గల్ఫ్ కోఆపరేషన్ కౌన్సిల్ (GCC)కి అంతర్జాతీయ రాకపోకలు పెరిగాయని, ఖతార్ ప్రాంతీయ విమానయాన కేంద్రంగా కీలకంగా మారిందని తెలిపింది.  ముఖ్యంగా యూరప్, ఆసియా మరియు ఆఫ్రికా మధ్య హమద్ అంతర్జాతీయ విమానాశ్రయం కనెక్టింగ్ గా ఉందని పేర్కొంది.

ఇంకా ATM నివేదిక ప్రకారం..రాబోయే రోజుల్లో సాంస్కృతిక అనుభవాలు, క్రీడా పర్యాటకం మరియు మిడిలీస్టులో ప్రీమియం డెస్టినేషన్ కోసం పెరుగుతున్న డిమాండ్, మ్యూజియంలు, హెరిటేజ్ డిస్ట్రిక్టులు, బీచ్ రిసార్ట్‌లు మరియు అంతర్జాతీయ కార్యక్రమాల క్యాలెండర్‌ ఖతార్ పర్యాటకానికి బూస్టింగ్ ఇవ్వనున్నాయి.