కువైట్: కస్టమర్లకు సంబంధించి ప్రైజ్ అవార్డులపై కువైట్ సెంట్రల్ బ్యాంక్ కీలక నిర్ణయం తీసుకుంది. నిబంధనలకు అనుగుణంగా నగదు బహుమతులను అందజేయడాన్ని తిరిగి ప్రారంభించాలని ఆదేశాలు జారీ చేసింది.  ఇందు కోసం బ్యాంకులు ఒక సమగ్ర వ్యవస్థను ఏర్పాటు చేసుకోవాలని సెంట్రల్ బ్యాంక్ తన వెబ్‌సైట్‌లో విడుదల చేసిన ఒక ప్రకటనలో స్పష్టం చేసింది. అన్ని బహుమతి డ్రా విధానాలు పాదర్శకంగా ఉండాలని, నిబంధనలను కచ్చితంగా పాటించాలని సూచించింది. ఇందు కోసం వాణిజ్యం మరియు పరిశ్రమల మంత్రిత్వ శాఖ నుండి అవసరమైన అనుమతులు తీసుకోవాలని తెలిపింది.   

కాగా, ప్రైజ్ అవార్డులలో పలు బ్యాంకులు అవకతవకలకు పాల్పడ్డాయని ఆరోపణలు రావడంతో మార్చి 2025లో బహుమతి అవార్డులను సెంట్రల్ బ్యాంక్ నిలిపివేసింది.