బహ్రెయిన్: తెలుగుదేశం పార్టీ యువనేత, రాష్ట్ర ఐటీ మరియు మానవ వనరుల అభివృద్ధి శాఖ మంత్రి నారా లోకేష్ జన్మదిన వేడుకలను ఎన్‌ఆర్‌ఐ టీడీపీ బహ్రెయిన్ ఆధ్వర్యంలో ఘనంగా నిర్వహించారు.

ఈ సందర్భంగా గల్ఫ్ కౌన్సిల్ ఎన్‌ఆర్‌ఐ టీడీపీ కన్వీనర్ రాధాకృష్ణ సమన్వయంతో, ఏపీఎన్‌ఆర్టీ అధ్యక్షులు డా.వేమూరి ఆధ్వర్యంలో ప్రత్యేక జూమ్ సమావేశం నిర్వహించబడింది. ఈ జూమ్ సమావేశంలో రాష్ట్ర నీటిపారుదల శాఖ మంత్రి నిమ్మల రామనాయుడు, ఎంఎస్‌ఎంఈ, ఎస్‌ఈఆర్‌పీ మరియు ఎన్‌ఆర్‌ఐ ఎంపవర్‌మెంట్ & రిలేషన్స్ శాఖ మంత్రి కొండపల్లి శ్రీనివాస్ పాల్గొని ఎన్‌ఆర్‌ఐలతో సాన్నిహిత్యంగా మమేకమయ్యారు.

అనంతరం ఎన్‌ఆర్‌ఐ టీడీపీ బహ్రెయిన్ ఆధ్వర్యంలో కేక్ కట్టింగ్ కార్యక్రమాన్ని నిర్వహించారు.

ఈ కార్యక్రమంలో ఎన్‌ఆర్‌ఐ టీడీపీ బహ్రెయిన్ నాయకులు రఘునాథ్ బాబు,హరి బాబు,సతీష్ శెట్టి,రామ మోహన్,శివ కుమార్,సతీష్,ఇంతియాజ్ అహ్మద్,చంద్రబాబు,కిషోర్,అనిల్ పి,నాగార్జున,వాసు దేవ రావు మరియు వారి కుటుంబ సభ్యులు పాల్గొన్నారు. అలాగే పెద్ద సంఖ్యలో తెలుగుదేశం పార్టీ అభిమానులు హాజరై కార్యక్రమాన్ని విజయవంతం చేశారు.