యు.ఏ.ఈ లో మత, కుల, వర్గ, సిద్ధాంత, జాతి, వర్ణ, భౌగోళిక లేదా నివాస పరమైన ఏ విధమైన వివక్షనైనా పాటించడాన్ని చట్ట వ్యతిరేకమని తెలియజేస్తూ, అధ్యక్షులు హిజ్ హైనెస్ షేక్ ఖలీఫా బిన్ జాయెద్ అల్ నహ్యాన్ శాసనం చేశారు. మాట లేదా రాతపూర్వకంగా, పుస్తకాలు, పాంప్లేట్లు లేదా ఆన్లైన్ మీడియా ద్వారానైనా ద్వేషచర్యలకు పాల్పడడం చట్టవ్యతిరేకంగా భావింపబడుతుంది. ఇతర మతస్తులను లేదా మత వర్గాలను నాస్తికులుగ, మత భ్రష్టులుగా పరిగణించడాన్ని శిక్షార్హమ్ చేశారు. యు.ఏ.ఈ లో మతప్రమేయం లేకుండా, ప్రతి వ్యక్తికీ రక్షణ లభిస్తుందని, సహనం, విశాలదృక్పధం, పరస్పర అంగీకారం పెంపొందిస్తుందని, దీనిని అతిక్రమించినవారికి 6 నెలల నుండి 10 సంవత్సరాలకు పైగా జైలు శిక్ష, 50,000 నుండి 2 లక్షల దినారాల  వరకు జరిమానా విధింపబడుతుందని ఆయన స్పష్టం చేశారు.

--సి.శ్రీ(దుబాయ్)