మనామా: సల్మానియా మెడికల్ కాంప్లెక్స్‌లోని అల్ ఫతే భవనంలో స్వల్ప అగ్నిప్రమాదం సంభవించింది. అయితే, జనరల్ డైరెక్టరేట్ ఆఫ్ సివిల్ డిఫెన్స్ వేగంగా స్పందించడంతో మంటలు త్వరగా అదుపులోకి వచ్చాయని  ప్రభుత్వ ఆసుపత్రులు వెల్లడించాయి. సివిల్ డిఫెన్స్ క్విక్ రియాక్షన్ కారణంగా పెను ప్రమాదం తప్పిందని, మంటల వ్యాప్తిని అడ్డుకోవడంతో ఈ ప్రమాదంలో ఎవరికీ గాయాలు కాలేదని అధికారులు తెలిపారు. 

ఆస్పత్రిలోని పేషంట్లు, కేర్ టేకర్స్, సందర్శకులు, వైద్యసిబ్బంది అందరూ సేఫ్ గా ఉన్నారని, సోషల్ మీడియాలో అనధికార కథనాలను నమ్మొద్దని కోరారు. ముందుజాగ్రత్తగా అల్ ఫతే భవనంలో పూర్తి స్థాయిలో తనిఖీలు పూర్తి చేసినట్టు, మరిన్ని తనిఖీల కోసం మూడు రోజులపాటు సాధారణ కార్యకలాపాలను తాత్కాలికంగా రద్దు చేసినట్లు ఆస్పత్రి మేనేజ్ మెంట్ ప్రకటించింది.