ప్రముఖ సినీ హీరో శ్రీకాంత్‌ తనయుడు రోహన్‌ శ్రీకాంత్‌ భీమవరంలో శనివారం సందడి చేశారు. రోహన్ హీరోగా నటించిన నూతన చిత్రం 'నిర్మలా కాన్వెంట్‌ సినిమా'లోని పాటల ఆవిష్కరణ కార్యక్రమం శ్రీ విష్ణు మహిళా ఇంజినీరింగ్‌ కళాశాలలో నిర్వహించారు.ఈ సందర్భంగా హీరో రోహన్‌ సినిమాలోని డైలాగులను వినిపించి పాటలకు డ్యాన్స్‌ చేసి విద్యార్థులను ఉర్రూతలూగించారు. సినిమా సంగీత దర్శకుడు రోషన్‌ సాలూరి, మరో నలుగురు గాయకులు చిత్రంలోని పాటలను ఆలపించి ఆకట్టుకున్నారు. కళాశాల ఓపెన్‌ ఆడిటోరియంలో శనివారం రాత్రి జరిగిన ఫ్రెషర్స్‌ డే వేడుకలు ఉల్లాసంగా ఉత్సాహంగా సాగాయి. ఈ ఉత్సవాల్లో కళాశాలలోని ప్రథమ, ద్వితీయ సంవత్సరాల బీటెక్‌ విద్యార్థులు పాల్గొని సందడి చేశారు. ఈ సందర్భంగా విద్యార్థులు ఆట, పాటలతో అలరించారు.ఈ కార్యక్రమాన్ని కళాశాల ప్రిన్సిపాల్‌ డాక్టర్‌ పి.శ్రీనివాసరావు, వైస్‌ ప్రిన్సిపాల్‌ శ్రీనివాసరాజు పర్యవేక్షించారు.